Drông khua bi ala knŭk kna Campuchia, aduôn Touch Pharat, Khua lăn čar Lương Cường hơêč hmưi kơ khua bi ala păn ngă bruă ti Việt Nam, đăo knang hŏng bruă pô ngă, Khua bi ala srăng mâo lu klei đru mguôp jăk, mđĭ hĭn klei thâo bi hgŭm plah wah dua ala čar, Khua lăn čar lač klei yuôm bhăn mơ̆ng bruă kđi čar, bi êdah hdră êlan sa anăn mơ̆ng Việt Nam mjing nanao klei găl kơ klei bi hgŭm Việt Nam - Campuchia , msĕ mơh klei bi hgŭm 3 tĭng Việt Nam - Campuchia – Lào mâo nanao klei thâo bi mguôp srăng dưi găn jih klei dleh dlan.

Hơêc chmưi kơ Thammer Mohammed Al Gosaibi mâo djŏ ruah jing khua bi ala mơ̆ng knŭk kna Saudi Arabia ti Việt Nam; Khua lăn čar lač Việt Nam bi myuôm bruă klam mơ̆ng Saudi Arabia hlăm alŭ wăl, boh nik hlăm êpul Arab lehanăn Islam, hơêč hmưi kơ dŭm boh tŭ dưn klei mđĭ kyar mơ̆ng Saudi Arabia hlăm bruă bi leh mta kñăm truh kơ thŭn 2030 lehanăn đăo knang kơ sang mtao, knŭk kna lehanăn mnuih ƀuôn sang Saudi Arabia srăng lŏ mâo lu klei tŭ jing hĭn hlăm bruă rŭ mdơ̆ng lehanăn mđĭ kyar lăn čar./.