Hŏng akŏ Phung mniê Dak Lak čô̆ kơ bruă hŏng klei mbruă leh anăn mkŏ dŭm knơ̆ng bruă, hruê knăm dưi mkŏ mjing hŏng lu mta bruă msĕ si: rang mdah, hưn mdah mnơ̆ng dhơ̆ng čô̆ kơ bruă mơ̆ng phung mniê, klei bi lông knhal tuč klei mĭn čô̆ kơ bruă mnia mblei thŭn 2023, Klei kƀĭn hdră êlan mnia mblei ênuk 4.0, mđup brei prăk lĭng čan phung mniê čô̆ kơ bruă.

Hruê knăm jing wưng phung mniê hlăm čar bi tuôm mjĕ êrô, kah mbha klei hriăm hlăm klei čô̆ kơ bruă, klei mnia mblei, mđĭ kyar bruă duh mkra, bi mni kơ phung mniê êdah êdi hlăm bruă mkra mjing, mnia mblei. Mđĭ hĭn klei bi mguôp, hưn mdah, rang mdang dŭm mta mnơ̆ng dhơ̆ng  mơ̆ng phung mniê čô̆ kơ bruă kñăm mkŏ mjing boh kdrŭt leh anăn bi lar ai tiê čô̆ kơ bruă kơ phung mniê.