VOV4.Êđê- Aguah hruê 28/9, ti ƀuôn prŏng Ƀuôn Ama Thuôt, čar Dak Lak mkŏ mjing leh Klei kƀĭn bi tuôm hŏng phung duh bi liê mơ̆ng ala tač êngao duh ti čar Dak Lak thŭn 2022. Klei kƀĭn anei mâo 8 êpul bruă ti čar lehanăn mkŏ online hŏng 16 êpul bruă, anôk bi ala mơ̆ng ala tač êngao ti Việt Nam. Hluê si Knơ̆ng bruă ksiêm dlăng bruă knuă ala tač êngao čar Dak Lak, 2 thŭn êgao, čar mâo mtrŭt êbeh 6,5 êklăk USD hluê hdră mđĭ klei bi hgŭm lehanăn mtrŭt mđĭ hdră đru êngao knŭk kna.

Hlăm anăn, tĭng truh mlan 8 thŭn anei, Anôk bruă sang čư̆ êa čar bi mklă tŭ mă 51 hdră đru truh giăm 3,7 êklăk USD. Bruă mâo klei đru lu jing mdrao mgŭn, mtô bi hriăm, ngăn dŏ, wăl hdĭp mda, mđĭ kyar bruă duh mkra – ala ƀuôn, dŭm bruă hlăm yang ƀuôn. Kơ alŭ wăl, Võ Văn Cảnh, K’iăng khua Anôk bruă sang čư̆ êa čar Dak Lak mñă, Dak Lak mprăp djăp klei găl čiăng kơ dŭm êpul bruă mơ̆ng ala tač êngao bi hgŭm, đru kơ čar hlăm wưng ti anăp./.

                                                    Pô mblang: H’Nêč Êñuôl