VOV4.Êđê - Hlăm 2 hruê mơ̆ng hruê 13 -17/10, Êpul hđeh êdam êra cộng sản Hồ Chí Minh čar Dak Lak mkŏ mjing klei kƀĭn phung bi ala tal 12, wưng thŭn 2022 – 2027 hŏng klei nao hgŭm mơ̆ng 300 čô bi ala kơ êbeh 90 êbâo čô đoàn viên, hđeh êdam êra hlăm čar. Hŏng klei blŭ pia “nao êlâo – knhuah gru – bi mguôp – mbruă – mđĭ kyar”, hlăm wưng păn bruă mrâo, phung mda asei čar Dak Lak srăng bi leh dŭm mta kñăm msĕ si: đru mơ̆ng 5 alŭ, ƀuôn dleh dlan dưi bi djăp hnơ̆ng čoh čuăn krĭng ƀuôn sang mrâo, pla mjing leh anăn kriê dlăng 1 êklăk 500 êbâo phŭn ana kyâo mtah, mtô bi hriăm, mđĭ klei thâo blŭ klei ala tač êngao leh anăn ñu kma hŏng tar rŏng lăn kơ phung knuă druh, đoàn viên, hđeh êdam êra.

Čiăng bi leh dŭm mta kñăm anăn, amai H’Giang Niê, khua bruă hđeh êdam êra cộng sản Hồ Chí Minh čar Dak Lak gưl 12, wưng thŭn 2022 – 2027 brei thâo, êpul bruă đoàn srăng uêñ mĭn, mđing truh kơ phung đoàn viên, hđeh êdam êra krĭng taih kbưi, krĭng mnuih djuê ƀiă, lŏ dơ̆ng mđĭ hĭn hnơ̆ng tŭ jăk phung đoàn viên, hđeh êdam êra mơ̆ng gưl nah gŭ, čiăng kơ bruă đoàn klă klơ̆ng mâo boh tŭ dưn leh anăn ƀrư̆ hruê ƀrư̆ đĭ kyar.

VOV TâyNguyên/Pô mblang: Y-Ƀel Êban