VOV4.Êđê - Hruê 25/1, ti wăl knhuah gru hƀuê ênuk ala čar ti Sang mnă Ƀuôn Ama Thuôt, čar Dak Lak mkŏ mjing leh Knăm hdơr knga lehanăn lač jăk kơ phung lĭng kahan krŭ kgŭ kdơ̆ng tuôm mă kơ̆ng, mŭt mnă lehanăn săn asei djiê êngiă tinei.

Hlăm ai êwa mpŭ mơ̆ng knăm anei, phung bi ala lŏ bi hdơr leh kơ knhuah gru hƀuê ênuk kdrưh k’ăm mơ̆ng hdră bruă anei hlăk hruê 25/1/1944 lehanăn nao dưm kwang mnga, čuh brui mngưi bi êdah klei lač jăk, hdơr knga prŏng prĭn kơ klei đru mguôp mơ̆ng phung lĭng kahan cộng sản arăng mă kơ̆ng, săn asei djiê êngiă ti Sang mnă Ƀuôn Ama Thuôt. Anei jing hdră bruă bi êdah klei bhiăn “Mnăm êa hdơr kơ akŏ”, mtô mjuăt kơ knhuah gru cách mạng, mđĭ klei thâo săng, klei đua klam mơ̆ng dŭm gưl, dhar bruă lehanăn kluôm ala ƀuôn, boh nik hlăm hdră mkŏ mkra, răng mgang ala čar./.

H’Nêč pô mblang