VOV4.Êđê - Aguah mbruê 27/2, ti să Drai Bhăng, kdriêk Čư̆ Kuiñ, Bruă hđeh êdam êra čar Dak Lak mkŏ mjing leh Knăm mtrŭt mjhar mlan hđeh êdam êra thŭn 2022. Hlăm knăm anăn, bruă hđeh êdam êra čar Dak Lak mđup brei leh hdră kă pui mngač hlăm êlan ti să Ea Tiêu leh anăn hdră “Ală kĭng 3 jăk” ti sang hră gưl 2 Y-Jŭt.

Brei čan 150 êklăk prăk čiăng msir mgiah klei mă bruă kơ phung hđeh êdam êra kdriêk Čư̆ Kuiñ. Mđup brei sa boh sang klei khăp leh anăn 40 hnư mnơ̆ng (grăp hnư mâo ênoh 300 êbâp prăk), 20 boh êdeh wai jơ̆ng kơ dŭm gŏ sang ƀun ƀin leh anăn hđeh sang hră dleh dlan mâo klei êdah kdlưn. Bruă hđeh êdam êra kdriêk Čư̆ Kuiñ ăt ba jao sa boh sang klei khăp kơ 1 gŏ sang ƀun ƀin, sa klei bi hmô anôk hlăm lêñ kơ hđeh leh anăn pŏk kčưm rŭ mdơ̆ng anôk pah boh.

Y-Bel pô mblang