Hlue si klei hưn mdah, kluôm čar Dak Lak mâo 2573 kŭm păn trah mă kan čih anăn;  100% kŭm păn mâo bi knăl hlue si hdră čuăn. Ênoh dưi mkăp hră trah mă kan mâo êbeh 94%; hjăn kŭm păn mơ̆ng 15 met kơ dlông mâo êbeh 98%. Ênoh djăp hnơ̆ng čuăn êđăp ênang mâo êbeh 95%, doh êƀăt mnơ̆ng ƀơ̆ng giăm 98% leh anăn 100%  kŭm păn êbeh 15 met mkŏ leh kdrăp ksiêm dlăng. Êpul bruă djŏ tuôm čih leh anăn kŭm păn amâo djăp klei găl ngă bruă, dăp anôk dôk jưh sa anôk, ksiêm dlăng kdrăp mă kan leh anăn jao kơ bruă sang čư̆ êa nah gŭ ksiêm dlăng anôk dôk jưh 100%; gĭr amâo brei kŭm păn đuĕ mơ̆ng anôk dôk jưh tơdah ka leh hră mơar, mbĭt anăn mđĭ bi hgŭm phung ksiêm dlăng kdriêl knông lăn, ksiêm dlăng bruă trah mă kan, kahan ksiêm.

 Khua dlăng bruă Đảng čar Lương Nguyễn Minh Triết brei mđĭ mnuih mă bruă kơ êpul trah mă kan hdang, bi mrâo mrang kdrăp mnơ̆ng ksiêm dlăng kŭm păn leh anăn mđĭ mă klei blŭ mguôp phung trah mă kan čiăng mkra mlih klei kriê dlăng djŏ guôp, tŭ dưn.