Ară anei pui kmlă Dak Lak dôk kriê dlăng êbeh 130 êbâo 2 êtuh gơ̆ng pui kmlă mâo êlan klei pui hâo hưn yua mbĭt. Knơ̆ng bruă bi liê mkŏ mjing, mkra mđĭ boh dlông mơ̆ng gơ̆ng pui leh anăn kriê dlăng rơ̆ng hnơ̆ng čuăn hdră mnêč, êđăp ênang êlan klei pui kmlă. Khădah snăn, bruă dăp êlan klei pui hâo hưn hlăm gơ̆ng pui kmlă plă plia ba lu klei amâo jăk huĭdah srăng mâo klei truh.

Hlăm dŭm thŭn êgao, pui kmlă Dak Lak ngă nanao bruă mkra mđĭ, dưm bi khuăt klei pui dang kông mbĭt hŏng gơ̆ng pui kmlă. Hdră kčah thŭn 2024, knơ̆ng bruă lŏ dơ̆ng msir mgaih boh dlông êbeh 46 km êlan klei pui dăng kông kă mbĭt hŏng gơ̆ng pui kmlă ti wăl ƀuôn prŏng Ƀuôn Ama Thuôt, wăl krah Ƀuôn Hồ leh anăn dŭm kdriêk Krông Pač, Ƀuôn Đon, Krông Năng, Čư̆ Mgar, Ea Kar. Klă klŏng msỉ mgaih lăm lui klei pui tloh amâo lŏ yua, kă bi khuăt klei êbeh, lŏ mđĭ hnơ̆ng dlông klei lĕ ti gŭ.