VOV4.Êđê- Aguah 5/6, Mai Văn Thắng- Khua Knơ̆ng bruă Sang čư̆ êa să Ea Gleo, kdriêk Ea Hleo, čar Dak Lak bi mklă, ti să mrâo mâo klei mngăt hlăm êa ngă kơ 3 čô hđeh sang hră gưl 3 Chu Văn An, să Ea Hleo djiê. Phung hđeh jing Trần Thị Kim Anh; Nguyễn Thị Hoài Bảo leh anăn Mã Cẩm Tú, jih 3 čô kkiêng thŭn 2010, dôk ti să Ea Hleo, kdriêk Ea Hleo leh anăn hđeh sang adŭ 6 sang hră gưl 2 Chu Văn An.

Klei djiê mngăt hlăm êa mâo hlăm tlam hruê 4/6, leh 3 čô hđeh anei nao hlăm knăm bi ruê̆ thŭn hruăm ti Sang hră Chu Văn An, bi jak nao mnei ti êa Oc, ti alŭ 5, să Ea Hleo, kdriêk Ea Hleo hlăp lêñ. Leh mâo klei truh, bi ala kơ bruă sang čư̆ êa alŭ wăl nao êmuh hrăm, mđĭ ai, bi juh leh anăn mđup brei sa kdrêč prăk kơ gŏ sang ngă klei ba dơr phung hđeh./.

                                               Pô mblang: H’Zawut Ƀuôn Yă