Klei bi lông mâo Knơ̆ng bruă Pui kmlă kwar Krah mtrŭt mjhar mơ̆ng mlan 12/2023 truh kơ mlan 3/2024 ti 13 čar, ƀuôn prŏng krĭng kwar Krah – lăn dap kngư. Hlăm ênoh anăn mâo 58 êbâo klei bi lông (rup čih kač, video clip hlak mblang lehanăn video mtô mblang), ti Dak Lak, mâo giăm 10.100 klei bi lông.

Boh tŭ, mâo 2 klei pah mni, Klă klơ̆ng, adei Vi Thị Thu Hà, Adŭ 5A, Anôk bruă đru mđĭ kyar hdră mjuăt bi hriăm lehanăn ñŭ kma mơ̆ng phung hđeh amâo jăk asei mlei čar Dak Lak mâo mă klei pah mni mrô 2, adei Ngô Bảo Nam lehanăn Nguyễn Gia Hân, Sang hră gưl 1 Lê Lợi, kdriêk Čư̆ Mgar mâo mă klei pah mni mđĭ ai, mbĭt hŏng kdrêč video clip hlak mblang. Mbĭt hŏng dua čô hđeh mâo Knơ̆ng bruă Pui kmlă kwar Krah pah mni, Anôk bruă pui kmlă Dak lak ăt pah mni kơ dua sang hră mâo hđeh dưi hlăm klei bi lông./.