Hluê si klei bi klă hruê 4/11/2023 mơ̆ng Khua knŭk kna, Să Nam Ka, kdriêk Lak jig sa hlăm 4 să mơ̆ng čar Dak Lak dưi tŭ yap jing să Êđăp ênang mơ̆ng gưl dlông hlăm ênuk mblah Prăng leh anăn Mi. Mbĭt hŏng anăn lŏ mâo 3 să mkăn jing: Să Ea Hiao, kdriêk Ea Hleo, să Čư̆ Pui, kdriêk Krông Bông leh anăn să Dliê Ya ti kdriêk Krông Hnang.

Hŏng klei găl dưi luôm hŏng wăl dliê prŏng, să Nam Ka jing anôk k’up mgang, rông ba kơ êpul êya cách mạng, jing krĭng cách mạng mâo kơhưm hdră êlan yuôm bhăn hlăm 2 ênuk bi blah mơ̆ng djuê ana.

 Hlăm knăm, Êpul mkŏ mjing mđup brei leh 23 hnư mnơ̆ng kơ phung ktuê dlăng leh klei bi blah, ngă bruă ti alŭ wăl să, dŭm gŏ sang kahan êka, djiê êngiă, phung mâo bruă tŭ dưn, phung rông mdăp phung knuă druh gĭt gai hlăm ênuk bi blah./.