Hluê si mrô hưn mơ̆ng Anôk bruă sang čư̆ êa čar Dak Lak, wưng thŭn 2016 - 2020, Dak Lak mâo jak iêu hdră duh kơ 329 hdră bruă, hŏng ênoh 57 êbâo êklai prăk. Tĭng kah knar hlăm wưng anei, grăp thŭn mâo 65 hdră bruă dưi mkăp brei, hŏng ênoh duh hlăm brô êbeh 11.400 êklai prăk. Ƀiădah mơ̆ng thŭn 2021 truh kơ ară anei, kluôm čar knŏng mâo 48 hdră bruă dưi bi mklă hdră mtrŭn duh bi liê, hŏng ênoh prăk 28 êbâo êklai prăk, kah knar knŏng mâo 16 hdră bruă, hŏng ênoh prăk êbeh 9 êbâo êklai prăk.

Mta phŭn ngă hrŏ hdră bruă lehanăn ênoh duh hlăm 3 thŭn êgao jing kyua klei ruă Covid 19, hdră duh mkra tar rŏng lăn lehanăn hlăm ala čar mâo lu klei bi mlih, lu anôk bruă duh mkra prŏng tuôm hŏng klei dleh dlan hlăk anôk bruă duh mkra điêt lehanăn man dưn amâo mâo hdră bruă prŏng kyua anăn ai dưi, klei mâo duh kơ bruă amâo mâo./.