VOV4.Êđê - Klei sa ai mơ̆ng mnuih ƀuôn sang, anôk bruă duh mkra jing giê mkă tĭng dlăng boh tŭ bruă mkra mlih klei ngă hră m’ar, čar Dak Lak lŏ dơ̆ng mtrŭt mđĭ klei ngă hră m’ar hŏng boh phŭn jing bi hrŏ klei ngă hră m’ar, hruê mmông, mjing klei găl kơ mnuih ƀuôn sang, anôk bruă duh mkra; mđing hmư̆ klei mĭn mơ̆ng mnuih ƀuôn sang. Truh ară anei, mrô mkra mlih klei ngă hră m’ar mơ̆ng čar Dak Lak dôk tal 45/63 čar, ƀuôn prŏng; mrô sa ai mơ̆ng mnuih ƀuôn sang hŏng klei ngă bruă mơ̆ng 15 knơ̆ng, dhar bruă mâo giăm 84%; mrô sa ai mơ̆ng mnuih ƀuôn sang hŏng klei ngă bruă mơ̆ng dŭm alŭ wăl hlăm čar mâo 79%.

Dak Lak mâo mta kñăm truh ti thŭn 2025, mrô mkra mlih klei ngă hră m’ar mơ̆ng čar srăng dôk tal 20/63 čar, ƀuôn prŏng. Čiăng dưi ngă klei anei, bruă mkra mlih klei ngă hră m’ar ti čar dưi hluê ngă hlăm 6 bruă phŭn: Mkra mlih klei bhiăn; mkra mlih klei ngă hră m’ar, mkra mlih anôk bruă ngă hră m’ar knŭk kna, mkra mlih klei bhiăn ngă bruă knŭk kna, mkra mlih bruă ngăn prăk knŭk kna; mkŏ mkra lehanăn mđĭ kyar bruă knŭk kna điện tử./.

H’Nêč pô mblang