Mơ̆ng thŭn 2019 truh kơ ară anei, čar Dak Lak mkŏ mjing leh hdră bi hgŭm bruă hiu čhưn ênguê hŏng lu čar, ƀuôn prŏng kluôm ala, mđing hlăm 4 mta bruă: Mtrŭt mđĭ, hưn mthâo bruă hiu čhưn ênguê, bi trông klei hâo hưn kơ hdră mđĭ kyar bruă hiu čhưn eneguê, čuăl mkă lehanăn iêu mthưr hdră duh bi liê; mđĭ kyar bruă hiu čhưn ênguê; mjuăt bi hriăm mnuih mă bruă hiu čhưn ênguê. Bi hgŭm hŏng dŭm alŭ wăl pŏk knăm mơak hiu čhưn ênguê hŏng lu ala čar grăp thŭn; bi trông klei hâo hưn, bi hgŭm mbah điên tử bruă hiu čhưn ênguê, hla pŏk web yang ƀuôn, bi trông kơ hdră hgŭm bruă mâo bi mklă, duh bi liê mkŏ mjing dŭm tuôr hiu čhưn…

Mơ̆ng anăn, hlăm 5 thŭn êgao, čar drông leh êbeh 5,6 êklăk čô tuê, hrui mâo giăm 4.300 êklai prăk. Ti knăm anei, phung bi ala trông čhai, hưn mthâo leh hdră bi hgŭm mơ̆ng dŭm êpul, mơ̆ng 2 čar, 3 čar, hưn mdah dŭm klei dleh dlan, êdu kƀah, mơ̆ng anăn ba mdah dŭm hdră msir kñăm mđĭ hĭn boh tŭ hgŭm bruă./.