Dak Lak mđĭ hĭn bruă răng mgang knông lăn wưng êlâo, hlăm leh anăn êdei Tết Nguyên đán Giáp Thìn
Thứ sáu, 00:00, 02/02/2024
VOV Tây Nguyên
VOV Tây Nguyên
VOV4.Êđê- Adôk êbeh sa hruê kăm truh yơh Tết Nguyên đán Giáp Thìn, knơ̆ng gĭt gai lĭng kahan knông lăn čar Dak Lak dôk gĭt gai dŭm kđông kahan knông lăn, Tiểu đoàn hriăm mjuăt – kahan knhăk tiŏ nao êpul êya leh anăn hdră êlan mprăp klei kdơ̆ng mblah răng mgang klei dưi kiă kriê knông lăn ala čar, gang mkhư̆ klei mŭt kbiă soh hŏng hdră bhiăn leh anăn bi kdơ̆ng hŏng phung ngă soh knông lăn čiăng kơ mnuih ƀuôn sang mơak yan mnga, drông tết.
Čar Dak Lak mâo klông knông lăn êbeh 71km ti 2 kdriêk knông lăn Ea Sup leh anăn ƀuôn Đon, bi knông hŏng čar Mundulkri, Campuchia.
Wưng anei, dŭm anôk bruă lĭng kahan knông lăn dôk mtrŭt mđĭ klei ksiêm dlăng, mkŏ mjing bi mbŏ dŭm hdră êlan, hriăm mjuăt dŭm hdră bi blah, mđĭ hĭn klei gak răng, ksiêm dlăng knông lăn, boh nik jing dŭm anôk ênưih mâo klei ngă soh, gang mkhư̆ klei mŭt kbiă soh hŏng hdră bhiăn, dŭm mta phung ngă soh.
Viết bình luận