VOV4.Êđê - Hlăm dua hruê, 14-15/4, Êpul gơ̆ng bruă ƀuôn sang čar Dak Lak hluê ngă leh hdră ksiêm dlăng hŏng dŭm alŭ wăl lehanăn Anôk bruă sang čư̆ êa čar kơ bruă msir mghaih hră kčŭt hưn mơ̆ng mnuih ƀuôn sang wưng thŭn 2016-2021. Hluê si klei hưn mơ̆ng Anôk bruă sang čư̆ êa čar Dak Lak, mơ̆ng thŭn 2016 -2021, kluôm čar Dak Lak mâo 9.100 klei kčŭt hưn klei ngă soh lehanăn 33.800 klei hưn lač.

Păt čiăng jih klei anei mâo leh anôk bruă djŏ tuôm ksiêm dlăng, msir mghaih hŏng klei klă mngač, djŏ hdră bhiăn. Hlăm wưng ti anăp, Anôk bruă sang čư̆ êa čar brei mđing gĭt gai dŭm gưl, dhar bruă pŏk ngă kjăp, tŭ dưn dŭm klei kčah mtrŭn tŭ drông mnuih ƀuôn sang lehanăn msir mghaih klei kčŭt hưn; mđĭ hdră kriê dlăng hdră čuăl mkă, ba yua lăn, rơ̆ng klei kpă mngač. Boh nik, brei mđing hĭn kơ bruă mjuăt bi hriăm mnuih mă bruă djŏ hŏng klei čiăng kơ bruă msir mghaih klei čŭt hưn./.

H’Nêč pô mblang