Hlăm thŭn 2024, čar Dak Lak mâo hdră kčah pla 1.817 ha dliê sa anôk leh anăn 200.000 ana kyâo. Dŭm mta ana dưi pla mâo: ana êgiêr, ana săm đrao, ana juăr leh anăn ana mtuk. Bruă pla dliê dưi pŏk ngă hlăm akŏ mlan 5, hlăk mphŭn mŭt yan hjan.

Hlue si Anôk bruă dliê kmrơ̆ng čar Dak Lak, leh 2 mlan pŏk ngă, dŭm alŭ wăl leh anăn pô dliê hlue ngă leh 1/3 hnơ̆ng kčah, pla leh hlăm brô 600ha dliê sa anôk leh anăn 15 êbâo ana kyâo bi êyui.  Hŏng hnơ̆ng anei, hdră kčah pla dliê leh anăn pla ana kyâo bi êyui srăng dưi ngă leh anăn êbeh hnơ̆ng kčah.