Anei jing sa hlăm dŭm mta bruă hlăm hdră Tết klei khăp Giáp Thìn. Hlăm hdră, êpul mkŏ mjing mđup brei leh 100 hnư mnơ̆ng, grăp hnư mâo ênoh 500 êbâo prăk (mâo 200 êbâo prăk hla leh anăn dŭm mta mnơ̆ng yua).

H’Hương, khua kiă kriê Êpul gru bi kal hrah čar Dak Lak brei thâo: hdră dưi mâo leh klei uêñ mĭn, sa ai mơ̆ng dŭm êpul êya, anôk bruă, dŭm knơ̆ng bruă hlăm leh anăn êngao čar. Truh kơ ară anei, dưi iêo mkrum êbeh 2.600 hnư mnơ̆ng hŏng ênoh jih jang 1 êklai 300 êklăk prăk. Hdră lŏ dơ̆ng ngă truh kơ jih hruê 4/2 kơ anăp knăm bi lar ai êwa tết truh kơ grăp čô mnuih ƀuôn sang, boh nik jing phung dleh dlan, awăt êdu hlăm yang ƀuôn.