Aguah mbruê 18/5, Êpul bruă hâo hưn čar Dak Lak mkŏ mjing klei mđup brei klei pah mni čih mčeh, hưn mdah klei čih, bruă klei mrâo hŏng akŏ “Tui hriăm leh anăn hluê ngă klei mĭn, knhuah hdĭp, knuih kniêng Hồ Chí Minh” gưl tal 1 thŭn 2021 – 2023.

Mâo 28 klei čih kdlưn hĭn mâo klei pah mni hlăm gưl anei. Leh 2 thŭn mtrŭt mjhar, klei pah mni klei čih, hưn mdah klei čih, klei mrâo hŏng akŏ “Tui hriăm leh anăn hluê ngă klei mĭn, knhuah hdĭp, knuih kniêng Hồ Chí Minh” gưl tal 1 mâo mă 100 klei čih bi lông mŭt hlăm klei bi lông knhal tuč. Dŭm klei čih dưi mbha jing 3 êpul mâo klei čih (klei yăl dliê đŭt, klei duê, klei čih hưn), klei kdŏ mmuñ mâo anôk kdŏ mmuñ – film rup, klei mmuñ, rup kač) leh anăn klei mrâo jing klei mrâo kđăm, klei mrâo rup). Hluê si klei bi klă mơ̆ng êpul mkŏ mjing, lu klei čih mâo hnơ̆ng tŭ jăk, lu jơr, mâo knhuah mtô bi hriăm.