VOV4.Êđê - Mmăt hruê 7/9, jing hruê 12/8 hlue mlan ƀlĕ, dŭm anôk bruă bi hgŭm mkŏ mjing “Mlam mơak mlan pur”, mđup brei hnư mnơ̆ng mlan pur kơ hđeh, bi mguôp hŏng ksiêm mkă, mbha êa drao amâo mă prăk kơ mnuih ƀuôn sang ƀun ti ƀuôn Ea Ana, să Ea Ana, kdriêk Krông Ana, čar Dak lak. Hlue anăn, hŏng klei kdŏ mmuiñ “Mlam mơak mlan pur” msĕ si: kdŏ anak rai, kdŏ mmuiñ, hlei hlăp djuê ana, 750 čô hđeh ti ƀuôn Ea Ana lŏ mâo dŭm hnư mnơ̆ng mlan pur. Anôk bruă ăt mđup breo 57 hnư prăk đru hriăm hră kơ phung hđeh hriăm thâo.

Ênoh mnơ̆ng dhơ̆ng leh anăn hnư prăk hriăm hră jing 80 êklăk prăk, kyua Knơ̆ng bruă hbâo pruê Bình Điền leh anăn Sang êa drao prŏng Thiện Hạnh đru brei. Mbĭt anăn, phung aê mdrao mơ̆ng Sang êa drao prŏng Thiện Hạnh ăt mkŏ mjing ksiêm mkă, mbha êa drao amâo mă prăk kơ 500 čô mnuih ƀuôn sang ƀuôn Ea Ana, hŏng ênoh hlăm brô 50 êklăk prăk./.

H’ Zawut  pô mblang