Mbĭt hŏng bruă mjêč msir klei čhŏ djhan wăl hdĭp mda, khua gĭt gai čar Dak Lak gĭt gai pral ba braih Knŭk kna đru kơ mnuih ƀuôn sang; ba nao masin kar êa, anôk mkăp êa yua truh kơ grăp wăl mnuih ƀuôn sang, mjêč mdoh wăl sang hră, anôk mdrao mgŭn čiăng kơ dŭm anôk mkra mjing anei pral lŏ wĭt ngă bruă; gĭt gai jăk bruă đru dŏng kơ grăp čô, mkŏ mjing klei đru ti krĭng êa lip, amâo brei mâo klei gun kpăk hlăm êlan klông, hmăi kơ bruă msir boh jhat adiê hjan…

Tạ Anh Tuấn, Khua Knơ̆ng bruă sang čư̆ êa čar Dak Lak, mñă klă: angĭn êbŭ 15 mŭt leh hlăm êa ksĭ Ngŏ, bruă sang čư̆ êa jih jang dŭm să, ƀuôn hgŭm krĭng êa lip brei đru kơ mnuih ƀuôn sang mjêč, amâo brei mnuih ƀuôn sang kƀah anôk dôk ôh, ư̆ êpa ôh. Mbĭt anăn, brei mprăp hdră msir, hdră mdrơ̆ng hŏng angĭn êbŭ hlăm djăp boh klei.