VOV4.Êđê- Tlam hruê 19/5, Êpul hgŭm bruă ƀuôn sang čar Dak Lak mkŏ mjing Klei bi kƀĭn tal 2, Êpul hgŭm bruă ƀuôn sang čar tal X čiăng ksiêm dlăng hră m’ar, klei hưn mdah, bi mklă Hdră mtrŭn bruă mkăp prăk duh bi liê mơ̆ng čar kơ Hdră mkra êlan êran pral Khánh Hòa - Ƀuôn Ama Thuôt (wưng tal 1). Ti anôk bi kƀĭn, Êpul bruă tŭ ư bi mklă leh prăk duh bi liê kơ hdră bruă anei wưng tal 1 êbeh 916 êklai prăk.

Êpul hgŭm bruă ƀuôn sang čar mtă kơ Anôk bruă sang čư̆ êa čar ksiêm dlăng, tĭng bi nik hdră mkăp ngăn prăk ti alŭ wăl čiăng ba yua hlăm dŭm thŭn ti anăp, rơ̆ng ngă bi leh hdră bruă djŏ wưng kčah, mprăp prăk duh kơ dŭm hdră bruă dôk čiăng mjêč kñăm pŏk ngă Hdră mtrŭn mơ̆ng Êpul hgŭm bruă ƀuôn sang čar čiăng dưi mâo boh tŭ dưn kdlưn hĭn./.

                                                    Pô mblang: H’Nêč Êñuôl