Đru kơ mnuih ƀuôn sang mđĭ klei thâo săng yua pui kmlă mkiêt mkriêm, hlăm wưng êgao, Knơ̆ng bruă pui kmlă Dak Lak pŏk ngă dŭm hdră hâo hưn mtô mblang. Bruă pui kmlă mđĭ hâo hưn mkiêt mkriêm pui kmlă hlăm dŭm kdrăp hâo hưn hŏng mnuih ƀuôn sang, hlăm website, pano, hlăm hră mơar gĭt gai dŭm gưl bruă sang čư̆ êa, mbha hră kơ phung yua pui kmlă, mđĭ hâo hưn hlăm sang hră…

Êdah êdi jing gưl pŏk ngă “Gŏ êsei mkiêt mkriêm pui kmlă thŭn 2024” dôk dưi pŏk ngă leh anăn mĭn tĭng mđup brei klei pah mni kơ 300 gŏ sang êdah êdi. Klei bi lông “Hđeh sang hră hŏng klei thâo yua pui kmlă Êđăp ênang - Mkiêt mkriêm - Tŭ dưn” iêô jak êbeh 10 êbâo klei bi lông. Hŏng dŭm hdră msir hrăm mbĭt, 9 mlan êgao, kluôm čar Dak Lak mkiêt mkriêm leh giăm 60 êklăk kWh pui kmlă, hlăm anăn giăm mkrah wah jing mkiêt mkriêm pui kmlă yua grăp hruê./.