VOV4.Êđê- Kyua hmăi amâo jăk mơ̆ng klei ruă tưp Covid-19, lu phung hđeh điêt ti čar Dak Lak amâo dưi nao hriăm ti sang hră, boh nik jing phung hđeh ti ƀuôn prŏng Ƀuôn Ama Thuôt, kluôm hruê nao hriăm ti sang hră ka truh ôh 2 hruê kăm. Čiăng kơ phung amĭ ama mâo klei hơĭt leh anăn mkŏ mjing klei găl kơ hđeh 5 thŭn nao hriăm adŭ 1, knơ̆ng bruă mtô mjuăt bi hriăm čar Dak Lak dôk ngă lu hdră êlan đru kơ êpul hđeh anei hlăm ênuk thŭn anei.

Čiăng ngă bruă anei, khua kiă kriê knơ̆ng bruă mtô mjuăt bi hriăm čar Dak Lak Phạm Đăng Khoa brei thâo, knơ̆ng bruă mtă leh kơ dŭm sang hră mơar mkŏ mjing video mtô lač kơ phung amĭ ama hluê ngă bruă mtô bi hriăm, kriê dlăng phung hđeh 5 thŭn. Hlăm anăn, hŏng boh sĭt dŭm sang hră mâo lu hđeh jing mnuih djuê ƀiă, ka thâo blŭ klei yuăn, phung nai čiăng bi mguôp kjăp hŏng gŏ sang čiăng đru leh anăn mtô kơ phung hđeh sang hră hriăm klei yuăn êlâo kơ nao hriăm adŭ 1.

Pô mblang: Y-Ƀel Êban