VOV4.Êđê - Hruê 28/6, Knơ̆ng bruă Dhar kreh, mjuăt ktang asei mlei lehanăn hiu čhưn ênguê čar Dak Lak bi hgŭm hŏng Êpul hgŭm phung mniê čar mkŏ mjing Klei bi lông “Tui ksiêm klei thâo kơ hdră bhiăn gŏ sang lehanăn gang mkhư̆ klei bi čăm biêng hlăm gŏ sang” čar Dak Lak.

Nao ti knăm anei mâo 15 gŏ sang dhar kreh ti 12 kdriêk, wăl krah, ƀuôn prŏng lehanăn dŭm dhar bruă, êpul êya, bi ala kơ giăm 455 êbâo gŏ sang ti alŭ wăl čar. Dŭm gŏ sang găn 4 kdrêč bi lông, mâo: Hưn mthâo kơ gŏ sang, bi lông klei thâo kơ hdră êlan mtrŭn mơ̆ng Đảng, knŭk kna djŏ tuôm kơ hdră bruă gŏ sang, bi lông wĭt lač klei êmuh tơdah tăm mâo boh klei bluh mâo hlăm gŏ sang lehanăn bi lông klei thâo pô. Knăm anei jing tač hlăp jăk čiăng dŭm gŏ sang mđĭ kleihgŭm mguôp plah wah grăp čô, bi mjĕ mjuk, bi trông klei thâo hlăm klei hdĭp aguah tlam./.

H’Nêč pô mblang