Lu hdră bruă bi ktưn jing leh gru mngač, lar bra hlăm klei hdĭp ala ƀuôn: Hdră bruă “Kluôm ala hgŭm kngan mkŏ mkra krĭng ƀuôn sang mrâo” hŏng 26 să djăp hnơ̆ng čuăn, 4 să krĭng ƀuôn sang mrâo kdlưn hĭn, êbeh 760 mta mnơ̆ng OCOP, hlăm anăn mâo 2 mta mnơ̆ng 5 mtŭ. Hdră “Kyua mnuih ƀun – Amâo lui hlei pô dôk ti tluôn”, đru ba ênoh gŏ êsei krĭng mnuih djuê ƀiă hrŏ adôk 9,7%. Hdră bruă “Knuă druh, mnuih mă bruă bi ktưn hluê ngă hdră dhar kreh ti anôk mă bruă lehanăn Hdră “Mnuih ƀuôn sang ksiêm hriăm kơ kdrăp mrô” dôk mtrŭt mđĭ hdră bi mlih mrô hlăm kluôm anôk bruă ngă hră mơar, 100% klei ngă hră mơar dưi msir mghaih hluê êlan online.

Tạ Anh Tuấn – Khua anôk bruă sang čư̆ êa čar Dak Lak, Khua êpul hgŭm brei klei pah mni čar mñă, anei jing Klei bi ktưn khăp kơ ala čả gưl tal êlâo leh bi mŭt mbĭt, mâo boh tŭ bruă kđi čar yuôm bhăn, kruăk kơ wưng đĭ kyar mrâo – amâo djŏ knŏng bi ktưn hlăm djăp mta bruă, ƀiădah lŏ jing klei bi ktưn mlih mrâo hlăm hdră kriê dlăng lehanăn krŭ wĭt klei čang hmăng kpưn đĭ mơ̆ng mnuih ƀuôn sang./.