VOV4.Êđê -  Mmăt hruê 10/7, ti Anôk bruă Dhar kreh čar Dak Lak, Êpul Từ tâm Dak Lak bi hgŭm hŏng Knơ̆ng bruă Dhar kreh - Mjuăt ktang asei mlei lehanăn Hiu čhưn ênguê Dak Lak mkŏ mjing leh Mlam kdŏ mmuñ đru kơ mnuih knap mñai mâo anăn “Klei jăk siam mơ̆ng ai tiê”. Mơ̆ng hdră anei, mâo mkrum êbeh 660 êklăk prăk đru kơ mnuih knap mñai, mtô luê amâo mă prăk lehanăn mđĭ lar bruă pơ̆k mñam ti alŭ wăl.

Ti hdră anei, lŏ mđup brei dua hlâo jep mguôp hŏng mnga bi msiam mŏng bruă pŏk mñam ti jep mâo pô ksiêm hriăm kơ knhuah dhar kreh La Quốc Bảo mkra mđup brei kơ hdră bruă anei. Hlâo jep anei srăng dưi ba čhĭ ti knăm anei. Anôk mkŏ mjing tŭ mă êbeh 660 êklăk prăk mŏng dŭm čô mnuih, êpul bruă đru. Jih jang prăk duh kơ hdră mtô luê kơ phung hđeh lehanăn mkra sang dlông Êđê ngă anôk dôk pŏk mñam lehanăn hưn mthâo mnơ̆ng dhơ̆ng mkra mŏng kiê kngan mơ̆ng êpul phung mniê ti să Drai Bhăng, kdriêk Čư̆ Kuiñ./.

H’Nêč pô mblang