VOV4.Êđê - Boh tŭ hdră tĭng dlăng mrô mkra mđĭ bruă ngă hră m’ar thŭn 2021, čar Dak Lak mâo 86,52 puăng, dôk tal 36/63 čar, ƀuôn prŏng hlăm gưl dlông; đĭ 3,3 puăng, đĭ 9 mrô mkă hŏng thŭn 2020. Hŏng mrô ư ai mơ̆ng mnuih ƀuôn sang, êpul bruă hŏng klei mă bruă mơ̆ng dŭm anôk bruă ngă hră m’ar knŭk kna thŭn 2021 dôk tal 59/63 čar, ƀuôn prŏng, đĭ 3 mrô mkă hŏng thŭn 2020.

Hluê si Nguyễn Đình Trung, Khua hlăm Anôk bruă Đảng gưl dlông, Khua bruă Đảng čar Dak Lak, khădah mâo leh klei bi mlih hlăm bruă ngă hră m’ar knŭk kna ƀiădah čiăng dưi mjing boh kdrŭt prŏng lehanăn ba Dak Lak đĭ kyar năng jing ƀuôn prŏng phŭn krĭng lăn dap kngư, hlăm wưng ti anăp, čar brei mtrŭt mđĭ hdră mkra mlih bruă ngă hră m’ar. Dak Lak mâo mta kñăm truh ti thŭn 2025, ênoh mkra mlih klei ngă hră m'ar mơ̆ng čar srăng dôk hlăm êpul 20/63 čar, ƀuôn prŏng./.

H’ Nêč pô mblang