Hlue si klei hưn mdah hlăm klei bi kƀĭn, hlăm 6 mlan akŏ thŭn, bruă duh mkra ala ƀuôn čar Dak Lak hơĭt kjăp. Ênoh mnơ̆ng dhơ̆ng ti čar đăo tĭng mâo giăm 24.500 êklai prăk, đĭ 4% mkă hŏng wưng anei thŭn 2022. Ênoh prăk ba čhĭ kơ ala tač êngao mĭn tĭng mâo 810 êklăk USD, đĭ 2% mkă hŏng wưng anei thŭn dih. Khădah snăn, ênoh bi knar prăk knŭk kna hrŏ 16,6% mkă hŏng wưng anei thŭn dih. Ênoh bi liê prăk knŭk kna knŏng mâo  18,1% hdră kčah mơ̆ng čar…

Phạm Ngọc Nghị, Khua Knơ̆ng bruă sang čư̆ êa čar Dak Lak mtă kơ khua gĭt gai dŭm knơ̆ng, dhar bruă alŭ wăl brei mđing, mâo bruă klam hĭn hlăm klei hlak mblang, duah mta phŭn leh anăn kčĕ hdră msir čiăng ruh mgaih klei gun kpăk hlăm klei iêô jak duh bi liê, mđĭ hiu čhưn ênguê… čiăng dưi mâo dŭm hdră kñăm mđĭ kyar bruă duh mkra ala ƀuôn 6 mlan knhal jih thŭn. Boh nik, dŭm knơ̆ng, dhar bruă, alŭ wăl brei mkra mđĭ, msir mgaih mtam klei bi tuh bruă klam kơ pô mkăn čiăng mđĭ pral hnơ̆ng msir mgaih bruă mă./.