Hluê si klei bi klă, klei gĭt gai, ktrâo lač dưi ngă ktang phĭt, hrăm mbĭt, dŭm anôk bruă djŏ tuôm čŏng pô thâo klă boh sĭt, hmao ƀuh, mgaih msir boh klei, đru mguôp hlăm klei êđăp ênang leh anăn bi kjăp klei đăo knang mơ̆ng mnuih ƀuôn sang. Hlăm wưng păn bruă êgao, hlăm klei ksiêm dlăng, alu wăl hmao ƀuh 12 klei ƀơ̆ng ngăn.

Klei ksiêm duha ăt ƀuh 10 klei ngă soh mơĭt kơ anôk bruă ksiêm duah. Năng mđing, čar Dak Lak ngă klei ksieme dlăng, mgaih msir hdră êmưt mkă hŏng hdră kčah, hdră ngă truh klei luč liê mang. Bi kơ ngăn drăp leh bi mŭt mbĭt, kluôm čar mâo êbeh 4000 anôk bruă, hlăm anăn mâo giăm 400 anôk bruă êbeh čiăng hnưm mâo hdră êlan mgaih msir. Khua bruă Đảng čar Dak Lak Lương Nguyễn Minh Triết  mñă brei ngă hdră êlan “Amâo mâo dưi, amâo mâo jhŏng, amâo mâo čiăng, amâo mâo klei ƀơ̆ng ngăn”, mtrŭt mđĭ klei bi hriăm knhuah hdĭp bruă Knŭk kna, ngă klei mkiể mkriêm, kpă ênô, leh anăn mgaih msir ngăn dŏ Knŭk kna êbeh.