VOV4.Êđê - Aguah 26/1, Êpul hgŭm phung čih klei mrâo Dak Lak bi hgŭm hŏng Knơ̆ng bruă hâo hưn mtô mblang leh anăn Sang dlăng hră čar Dak Lak mkŏ mjing klei mphŭn pŏk Knăm hră klei mrâo Nhâm Dần 2022. Mkŏ mjing mơ̆ng hruê 26/1 truh hruê 4/2 kơ anăp, Êpul hgŭm phung čih klei mrâo Nhâm Dần čar Dak Lak rang mdah êbeh 250 mta hră klei mrâo leh anăn êbeh 400 anăn hdruôm hră dŭm mta.

Hlue si anôk bruă mkŏ mjing lač, dŭm hră klei mrâo yan mnga thŭn anei dưi mkra mjing lu jơr kơ hdră, bi êdah klei mprăp jăk leh anăn mbruă mơ̆ng Pŏk ti êngao, lu jơr kơ boh phŭn, hŏng dŭm akŏ kơ klei mơak Đảng mơak yan mnga, hdơr kơ Awa Hồ, klei tŭ dưn mơ̆ng dŭm dhar bruă, alŭ wăl leh anăn dŭm gưl mnuih ƀuôn sang. Lač kơ klei hdĭp kđi čar, bruă duh mkra, ala ƀuôn, ai êwa, klei jhŏng mnuih ƀuôn sang Việt Nam, klei tŭ dưn bruă mkra mjing mđing truh kơ sa êdei anăp lăn čar jăk siam. Leh knăm hră klei mrâo yan mnga, dŭm hdruôm klei mrâo srăng mơĭt kơ phung knuă druh, lĭng kahan ti plao ksĭ Trường Sa, hlăm Knơ̆ng bruă kahan êa krĭng 4, čar Khánh Hoà.

H’Zawut pô mblang