Hlăm anăn boh phŭn mkra mđĭ klei thâo, ksiêm dlăng klei thâo hđeh sang hră čiăng mbha klei hriăm mjuăt bi djŏ. Hlue si wưng mĭn tĭng mơ̆ng Phŭn bruă sang hră mtô bi  hriăm, klei bi lông hriăm jih gưl 3 thŭn 2023 mkŏ mjing hlăm 2 hruê  28-29/6.  Thŭn anei, čar Dak Lak mâo êbeh 20 êbâo čô bi lông ti 32 anôk bi lông ti 15 kdriêk, wăl krah, ƀuôn prŏng.  

Phạm Đăng Khoa,  Khua Knơ̆ng bruă sang hră leh anăn mtô bi hriăm čar Dak Lak brei thâo: Klei bi lông thŭn anei, Phŭn bruă sang hră mtô bi hriăm lŏ dơ̆ng jao kơ dŭm alŭ wăl klam bruă mkŏ mjing klei bi lông. Kyua anăn, Knơ̆ng bruă sang hră mtô bi hriăm Dak Lak mđing mkŏ mjing hdră kčah mơ̆ng hnưm. Truh ară anei, bruă mprăp kơ klei bi lông hriăm jih gưl 3 thŭn 2023 dôk dưi pŏk ngă djŏ hnơ̆ng./.