Ka bŏ mơh sa hruê kăm, klei bi klông bi ruê̆ klei hriăm gưl tlâo thŭn 2023 klă klơ̆ng dưi mkŏ mjing. Dŭm sang hră gưl 3 ti čar Dak Lak mprăp jih leh dŭm mta bruă knhal tuč, knăm rơ̆ng kơ klei bi lông êđăp ênang, tŭ jăk.  Hlăm klei bi lông bi ruê̆ klei hriăm gưl tlâo thŭn anei, čar Dak Lak mâo 33 anôk bi lông hŏng êbeh 21.100 čo bi lông, giăm 3.000 čô knuă druh, phung nai dlăng klei bi lông ti dŭm anôk bi lông.

Phạm Đăng Khoa, khua knơ̆ng bruă mtô mjuăt bi hriăm čar Dak Lak brei thâo: Knơ̆ng bruă mkŏ mjing leh dŭm êpul ksiêm dlăng êlâo kơ mkŏ mjing klei bi lông kñăm rơ̆ng klei găl kơ klei bi lông, mtô kơ phung knuă druh dlăng klei bi lông, mđĭ hĭn bruă hâo hưn kơ dŭm mta mrâo hlăm klei bi lông hŏng phung nai leh anăn hđeh sang hră. Bi mguôp kjăp hŏng dŭm dhar bruă čŏng pô mkŏ mjing dŭm hdră êlan răng mgang klei êđăp ênang kơ klei bi lông leh klei ngă bi luč klei êđăp ênang ti kdriêk Čư̆ Kuiñ mrâo êgao.