VOV4.Êđê - Thŭn 2022, anôk bruă pui kmlă DakLak mâo mkăp leh giăm 285 êklai prăk čiăng rŭ mkra 93 hdră bruă, mđĭ kyar anôk bruă pui kmlă. Khădah tuôm hŏng lu klei dleh dlan kyua alŭ wăl prŏng, hdră msir mghaih anôk ala ti dŭm alŭ wăl dôk dleh kpăk, hlăk klei ruă Covid 19 dôk mâo dleh dưi ksiêm dlăng, ƀiădah anôk bruă pui kmlă Dak Lak mâo leh hdră mkra mlih djŏ guôp, hluê ngă dŭm hdră bruă rơ̆ng hnơ̆ng tŭ jăk.

Truh ară anei, mâo leh 30 hdră bruă ngă leh, hŏng hnơ̆ng 85 km êlan klei pui kmlă man dưn, 15 anôk mđĭ mtrŭn pui kmlă lehanăn mkŏ dưm kdrăp čŏng ktit, mdjiê pui lehanăn kdrăp êđăp ênang klei hâo hưn… dưi ba yua. Ară anei, PC Dak Lak dôk mtrŭt mđĭ bruă hluê ngă, kriê dlăng kjăp hnơ̆ng tŭ hdră bruă, čiăng hnưm dưi ngă leh, đru mđĭ hnơ̆ng tŭ jăk pui kmlă mkăp kơ klei ba yua lehanăn mđĭ kyar hdră duh mkra – ala ƀuôn alŭ wăl./.

Y-Ƀel pô mblang