Hlăm anăn, bruă lŏ dơ̆ng hluê ngă Hdră mtrŭn mrô 18-NQ/TW mơ̆ng Anôk kriê dlăng bruă Đảng gưl dlông kơ “Dŭm hdră msir lŏ dơ̆ng mlih mrâo, mkŏ dăp anôk bruă kđi čar khuăt, ngă bruă tŭ dưn” mâo leh klei mđing dlăng. Mbĭt hŏng dŭm boh tŭ dưi mâo hlăm bruă hluê ngă Hdră mtrŭn mrô 18, phung bi ala hưn mdah leh dŭm klei dleh dlan, gun kpăk hlăm bruă hluê ngă.

Dŭm klei blŭ lač snei, bruă mkŏ dăp anôk bruă hmăi leh truh kơ ai tiê, klei mĭn mơ̆ng phung knuă druh, đảng viên, mnuih mă bruă. Mbĭt anăn, mjing klei kpăk gun hlăm hdră mă bruă, hmăi truh kơ bruă klam mơ̆ng dŭm anôk bruă, êpul êya. Khua bruă Đảng čar Dak Lak Nguyễn Đình Trung mñă, leh lui gưl kdriêk, gưl să srăng mă lu bruă hĭn, dôk čiăng hdră mkŏ dăp mnuih mă bruă brei rơ̆ng boh tŭ dưn hdră mă bruă./.