VOV4.Êđê- Thŭn 2022, Anôk bruă Pui kmlă Dak Lak mâo jao êbeh 59 êklai prăk čiăng mkra 48 hdră bruă pui kmlă. Truh jih mlan 6, dŭm êpul ngă ruê̆ leh 8 hdră bruă hlŏng dưi ba yua hŏng ênoh tĭng tla giăm 10,3 êklai prăk. Ară anei anôk bruă dôk mtrŭt mđĭ hdră mkra dŭm bruă adôk, gĭr bi leh hlăm 3 mlan gưl 3 anei.

Hlăm hdră ngă bruă, bi hrŏ tuič hnơ̆ng klei khăt pui kmlă, anôk bruă pui kmlă Dak Lak nao ksiêm dlăng, ba mdah leh hdră ngă bruă tŭ dưn hluê hdră hotline amâo dah bi mguôp hŏng wưng khăt pui kmlă mkăp kơ bruă lŏ mkra grăp gưl mơ̆ng dŭm anôk mđĭ mtrŭn pui kmlă 110kV hlăm krĭng. Mbĭt hŏng dŭm bruă mâo anôk bruă pui kmlă hluê ngă, anôk bruă lŏ ba yua hdră hrŏng ruah phung ngă bruă nah êngao mâo djăp klei thâo čiăng ngă bruă kñăm mđĭ klei hluê ngă bruă, rơ̆ng klei đăo knang, êđăp ênang bruă mkăp pui kmlă./.

                                                    Pô mblang: H’Nêč Êñuôl