VOV4.Êđê- Mtrŭt mđĭ klei čŏng đru ngă bruă yan mnga thŭn 2022 kơ mnuih ƀun ƀin mâo thiăm klei găl dưi hơ̆k mơak yan mnga, drông tết. anei jing sa hlăm dŭm bruă klam dưn ba mdah hlăm klei kƀĭn mklin bruă đoàn leh anăn bruă hđeh êdam êra thŭn 2021, ba mdah bruă klam thŭn 2022 mơ̆ng bruă Đoàn čar Dak Lak mkŏ mjing hruê mbruê 17/1.

Hluê anăn dưi iêo mthưr leh anăn mbha brei dŭm êtuh êbâo blah čhiăm guôm ƀô̆, êa drao mdjiê kman, ală kĭng leh anăn kdrăp čŭt hơô bruă mdrao mgŭn hŏng ênoh êbeh 1 êklai prăk. Kluôm čar đru leh giăm 24 êbâo kdô mnơ̆ng bi hơĭt leh anăn êa drao kơ mnuih ƀuôn sang, hđeh êdam êra mâo klei hdĭp dleh dlan, hŏng ênoh prăk giăm 6 êklai prăk. Mbĭt hŏng anăn, dŭm gưl bruă đoàn hlăm čar dưi ngă leh giăm 2.700 bruă mkŏ mkra, bruă hđeh êđam êra, mkra mjing êbeh 119 km êlan “Mngač- mtah- doh-siam-mrâo mrang- êđăp ênang”. Mkŏ mjing klei hlăk mblang, mtô klei ngă bruă leh anăn duah bruă mă kơ dŭm pluh êbâo čô hđeh êdam êra, đru kơ dŭm êtuh čô hđeh êdam êra klei bi hmô mđĭ kyar bruă duh mkra, kčưm klei mă bruă knuă.

Pô mblang: Y-Ƀel Êban