Leh êbeh 3 mlan bi mŭt mbĭt, Dak Lak dưi bi leh 100% ênoh čuăn bi mlih mrô ti 102 ƀuôn hgŭm hŏng hnơ̆ng hră mơar online hlăm čar mâo 34,5%. Anôk bruă ngă hră mơar knŭk kna dua gưl tŭ mă êbeh 350 êbâo hră mơar, hlăm anăn mâo 76% ngă hŏng online. Kluôm čar mâo êbeh 83% ênoh mnuih ƀuôn sang mâo hră kak asei điện tư̆ hnơ̆ng 2, giăm 80% dưi ba yua.

Dŭm boh tŭ dưn anei brei ƀuh knhuang nao ktang mơ̆ng bruă sang čư̆ êa alŭ wăl dua gưl hlăm klei bi mlih mrô, mđing truh kơ bruă knŭk kna jĕ giăm hŏng mnuih ƀuôn sang, klă mngač, mrâo mrang. Khua bruă sang čư̆ ea Tạ Anh Tuấn brei thâo, wưng kơ anăpm, mbĭt hŏng mtrŭt mđĭ klei bi mlih mrô, čar srăng kñăm rŭ mjing dŭm bĭt êlan dơ̆ng phŭn, boh nk jing êlan dơ̆ng pral Ngŏ – Yŭ, mkŏ hŏng kdrŭn ksĭ, tač êdeh phiơr leh anăn dŭm bĭt êlan dơ̆ng prak msĕ si Dưr – Dhŭng leh anăn Ƀuôn Ama Thuôt – Vân Phong.