Hŏng akŏ “Klei čang hmăng mkŏ mkra čar Dak Lak mdrŏng sah, kreh dhar, jiă knhuah dhar kreh”, klei bi lông kkuh m’ak knăm bi hdơr 120 thŭn hruê mkŏ mjing čar mđing kơ dŭm bruă phŭn, mâo: Gĭr bi leh kluôm lehanăn êgao hnơ̆ng čuăn, bruă klam hluê Hdră mtrŭn Klei bi kƀĭn bruă Đảng tal 17 lehanăn dŭm bruă klam mơ̆ng Anôk dlăng bruă Đảng čar, Anôk bruă sang čư̆ êa čar jao; lŏ dơ̆ng mtrŭt mđĭ bruă hluê ngă dŭm hdră bruă phŭn, dŭm hdră ala čar kñăm.

Hluê anăn, mkŏ mjing tŭ dưn dŭm hdră bi ktưn čiăng hluê ngă jih lehanăn êgao dŭm hnơ̆ng čuăn mâo kčah jao hlăm thŭn 2024, mguôp hŏng bruă hriăm lehanăn tui ngă klei mĭn, knhuah mngač Hồ Chí Minh. Mâo hdră kčah mkŏ mjing anôk bruă, êpul êya, alŭ wăl đĭ kyar h’ĭt kjăp mguôp hŏng bruă hluê ngă dŭm hdră bi kdơ̆ng hŏng klei ƀơ̆ng ngăn lehanăn ƀư̆ mkra Đảng./.