Bruă Đảng čar Dak Lak ară anei mâo 20 anôk bruă Đảng hlăm Bruă Đảng čar, 843 êpul bruă Đảng, hŏng êbeh 83.000 čô đảng viên. Hlăm ai êwa kdrưh kơăm, phung bi ala hriăm mbĭt lŏ bĭ hdơr kơ knhuah gru, hƀuê ênuk mkŏ mjing Anôk bruă Cộng Sản tal êlâo mơ̆ng čar, phŭn agha mơ̆ng bruă Đảng čar Dak Lak ară anei.

Hŏng klei mpŭ myơr mnga, brui mngưi bi hdơr kơ phung knuă druh cách mạng djiê leh tinei. Lại Đức Đại, k’iăng khua dhar bruă dhar kreh, mjuăt asei mlei leh anăn hiu čhưn ênguê čar Dak Lak, anôk bruă kriê dlăng wăl kriê pioh sang mñă Ƀuôn Ama Thuôt brei thâo, ti hruê 23/11 grăp thŭn, čar Dak Lak jêñ jêñ mkŏ mjing knăm myơr brui mngưi ti anôk anei, bi êdah klei mpŭ hdơr hŏng dŭm gưl ayŏng ama nao êlâo asăn asei čiăng mkŏ mjing leh anăn mđĭ kyar čar Dak Lak mâo msĕ ară anei.