Hŏng akŏ “Mnuih Việt Nam hiu čhưn ênguê ti Việt Nam – Việt Nam kâo khăp”, hlăm wưng hiu čhưn ênguê yan hlơr thŭn anei, dhar bruă hiu čhưn ênguê čar Dak Lak mtrŭt mđĭ bruă hâo hưn, hưn mdah rup Dak Lak – Anôk hiu čhưn ênguê êđăp ênang, jăk, jiă kma knhuah gru krĭng Lăn Dap Kngư hŏng phung tuê. Yua dŭm mbah hla pŏk yang ƀuôn, dŭm klei rang mdah kơ bruă hiu čhưn ênguê čiăng pŏk mlar truh kơ phung tuê. Čar ăt kñăm mkŏ mjing dŭm mta bruă dhar kreh, knăm mơak msĕ si: rang mdah klei tông čing čhar, knăm mơak durian Krông Pač gưl tal 2.

Mkŏ mjing dŭm klei bi lông mjuăt asei mlei kluôm ala, klei bi lông prŏng, mkŏ mjing dŭm mnơ̆ng dhơ̆ng hiu čhưn ênguê phŭn, bruă hiu čhưn ênguê wăl kriê pioh, hiu čhưn ênguê yang ƀuôn, wăl mnơ̆ng hdĭp, dŭm mta mnơ̆ng hiu čhưn ênguê mtah, lông ngă bruă lŏ hma, čuă dlăng đang kphê, durian, makka, ana ƀơ̆ng boh leh anăn lông ƀơ̆ng dŭm mta mnơ̆ng ƀơ̆ng mơ̆ng alŭ wăl.