VOV4.Êđê- Mmăt mbruê 30/8, Bruă đoàn čar Dak Lak mkŏ mjing knăm mitting hruê knăm kâo khăp kơ ala čar kâo leh anăn pah mni 69 čô, êpul êya mâo bruă ngă kdlưn hĭn hlăm dŭm mta bruă đoàn, bruă hội. 69 čô anăn dưi mâo klei pah mni hlăm 7 mta bruă jing: knuă druă bruă hội êdah êdi, Phung êdam êra hdĭp jăk, gŏ sang mdah êdah êdi, phung êdam êra čô̆ kơ bruă êdah êdi, dŭm êpul bi mguôp, êpul êya êdah êdi, phung êdam êra êwiên êwu êdah êdi, phung êdam êra mnuih djuê ƀiă, phung êdam êra mâo klei đăo knang êdah êdi.

Anei jing phung mâo klei bi hmô, mâo lu klei đru mguôp hlăm bruă đoàn leh anăn bruă hđeh êdam êra hlăm alŭ wăl, bi êdah bruă klam hur har mơ̆ng hlăk thŭn mda hlăm dŭm mta bruă, bi êdah knhuah klei hdĭp jăk, mâo klei bi hmô hlăm phung đoàn viên, phung hđeh êdam êra. Wưng anei, Êpul hgŭm phung hđeh êdam êra Việt Nam čar Dak Lak mđup brei 2 hnư prăk đru čô̆ kơ bruă mâo ênoh 40 êklăk prăk kơ 2 čô êdam êra ti kdriêk Lăk leh anăn Krông Hnang, mđup brei klei pah mni klei kdŏ mmuñ hâo hưn klei mmuñ cách mạng, hđeh êdam êra mmuñ klei mmuñ ênhiang leh anăn pĕ tông kdrăp pĕ tông djuê ana, bi hruê hruê knăm kâo khăp kơ ala čar kâo čar Dak Lak thŭn 2022 hŏng lu mta bruă klă klơ̆ng, mâo boh tŭ dưn.

Pô mblang: Y-Ƀel Êban