Tlam mbrue 6/6, ti čuê dliê mrô 1187, hlăm đang dliê knŭk kna mkuôm Čư̆ Yang Sin, Anôk bruă kriê pioh răng mgang êman dliê, anôk bruă dŏng đru răng kriê hlô mnơ̆ng dliê Daklak, bi mguôp leh hŏng đang dliê knŭk kna mkuôm Čư̆ Yang Sin, anôk bruă kiă kriê dliê kyâp kdriêk Krông Bông phưi wĭt leh kơ dliê 7 drei hlô mâo hlăm anăn 3 drei tlăn tŭng, hŏng boh ktrŏ 30 kg, 1 drei tlăn mnga (boh ktrŏ 14kg), 1 drei kra ku ŭn ktrŏ 8kg) lehanăn 2 drei êñuôl (krŏ 2,6kg).

Anei jing dŭm drei hlô yuôm hin mâo leh dŭm anôk bruă djŏ tuôm čar Daklak mtrŭt mjhar mnuih ƀuôn sang bi phưi wĭt kơ dliê. Leh sa wưng dôk răng kriê ti anôk bruă mjut mjing răng kriê êman dliê, anôk bruă dŏng đru dŏng hlô mnơ̆ng dliê lehanăn kiă kriê dliê kmrơ̆ng čar Daklak, jih jang hlô anăn dôk suaih, lehanăn dưi phưi wĭt kơ dliê./.