VOV4.Êđê- Mbĭt hŏng phung hđeh kluôm ala, hruê 7/7, êbeh 20 êbâo čô hđeh ti Dak Lak mŭt hlăm hruê bi lông tal êlâo hlăm Klei bi lông hriăm jih gưl 3 thŭn 2022. Mbĭt hŏng klei gĭr mơ̆ng phung hđeh jing klei mđing dlăng mơ̆ng amĭ ama lehanăn klei hrăm mbĭt mơ̆ng yang ƀuôn. Hluê si klei kčah mtrŭn mơ̆ng Phŭn bruă Sang hră m’ar, 6h30 mnĭt, phung hđeh brei truh ti anôk bi lông.

Hŏng klei kčah mtrŭn mrâo hlăm thŭn anei, phung hđeh srăng dưm mnơ̆ng dhơ̆ng kbưi 25m, leh kơnăn nao mŭt ti anăp adŭ bi lông dôk guôn iêu anăn. Čiăng rơ̆ng djŏ mmông, mơ̆ng 6h, mâo lu phung hđeh lehanăn amĭ ama truh ti anôk bi lông. Čiăng đru kơ phung hđeh nao bi lông, êpul ba anăp mđĭ ai yan bi lông ktrâo lač leh kơ phung hđeh mŭt hlăm anôk bi lông. Hŏng klei mđing dlăng mơ̆ng amĭ ama lehanăn êpul êya, phung hđeh ti Dak Lak h’ĭt ai tiê mŭt hlăm klei bi lông gưl 3 thŭn 2022./.

                                                    Pô mblang: H’Nêč Êñuôl