Êlâo anăn, Knơ̆ng bruă sang čư̆ êa čar Dak Lak mâo leh hră mơĭt kơ Khua knơ̆ng dŭm anôk bruă, êpul êya lehanăn Khua anôk bruă sang čư̆ êa să, ƀuôn hgŭm bi hgŭm pŏk ngă kjăp dŭm hdră mdrơ̆ng. Dŭm alŭ wăl ktuê hang ksĭ pŏk kjăp hdră rơ̆ng klei êdăp ênang kơ mnuih, kdrăp mnơ̆ng, boh nik dŭm anôk hiu čhưn ênguê, krĭng rông mnơ̆ng hlăm êa. mă kan hdang, ktrâo lač kơ anôk mjưh mran, bi kjăp ênao rông mnơ̆ng.

Dŭm alŭ wăl krĭng čư̆ čhiăng pral hưn mthâo klei mâo mơ̆ng adiê hjan êa lip truh kơ mnuih ƀuôn sang, mđĭ hdră mdrơ̆ng hŏng klei adiê hjan, angĭn êbŭ, êngăp êa, klưh hroh lăn. Mbĭt anăn, ksiêm dlăng dŭm krĭng huĭ mâo klei klưh hroh lăn, mbĕ mnuih ƀuôn sang nao dôk kơ anôk êđăp ênang. Dŭm êpul êya mprăp êpul, kdrăp mnơ̆ng, mnơ̆ng yua hluê hdră “ 4 tinei mtam”. Ksiêm dlăng rơ̆ng klei êđăp ênang ti dŭm ênao, knơ̆ng kdơ̆ng êa, mkŏ mjing hdră gak răng, ktrâo lač klei găn êrô ti dŭm anôk êa lip, amâo mâo brei mnuih, êdah êdâo găn tơdah amâo rơ̆ng kjăp klei êđăp ênang./.