Mkŏ mjing mơ̆ng ară anei truh kơ jih hruê 16/1, klei rang mdah mâo 3 mta bruă phŭn, jing rang mdah 97 pŏk rup kơ dŭm mta bruă bi hriăm leh anăn bi mblah, klei hdĭp mơ̆ng phung knuă druh, lĭng kahan leh anăn mnuih ƀuôn sang ti plao ksĭ Trường Sa.

Mdah 5 film rup – hră mơar kơ Trường Sa, rang mdah 21 rup plao ksĭ điêt hlăm Plao ksĭ Trường Sa mơ̆ng Việt Nam leh anăn dŭm mta mnơ̆ng msĕ si Hla čhiăm gru lăn čar, hla čhiăm gru kahan êa Việt Nam, grăp lĭng kahan Trường sa, mnơ̆ng mkra mjing mơ̆ng hruh ƀrăng, hruh tuôr mơ̆ng phung lĭng kahan ti Plao ksĭ Trường Sa čŏng mkra mjing. Leh knăm pŏk, mâo lu mnuih ƀuôn sang leh anăn phung tuê nao dlăng. Lu mnuih lač dŭm mnơ̆ng dhơ̆ng mâo ênŭm klei hâo hưn, jĕ giăm, klă sĭt kơ Plao ksĭ Trường Sa lu kiêng leh anăn bŏ hŏng ai hdĭp.