Anei jing sa hlăm dŭm mta phŭn mâo Êpul gĭt gai klei bi lông bi ruê̆ klei hriăm gưl 3 thŭn 2023 čar Dak Lak mñă ktang hlăm klei kƀĭn bruă klei mrâo hưn kơ klei bi lông bi ruê̆ klei hriăm gưl 3 amra mkŏ mjing. Gưl bi lông thŭn anei, kluôm čar maoa êbeh 21.000 čô bi lông, hlăm anăn phung bi lông jing mnuih djuê ƀiă mâo 28%. Bi kơ ênoh anôk bi lông, mâo 33 anôk bi lông hŏng 900 adŭ bi lông.

Truh kơ ară anei, dŭm anôk bruă bi djăp leh grăp klei găl mơ̆ng mnơ̆ng yua, kdrăp yua ti anôk bi lông, anôk kđăm klei bi lông leh anăn anôk brei puăng klei bi lông hluê si klei čuăn. Wĭt lač klei êmuh kơ klei dôk rŭng răng mơ̆ng phung bi lông, phung amĭ ama leh klei ksŭng ngă 2 anôk bruă sang čư êa kdriêk Čư̆ Kuiñ, Êpul gĭt gai klei bi lông brei thâo, dôk ngă jăk bruă hâo hưn, mđĭ ai čiăng phung hđeh sang hră mâo klei hơĭt hlăm klei bi lông. Mbĭt anăn mñă klă mprăp ênŭm leh kơ bruă răng mgang klei êđăp ênang dŭm hruê bi lông.