Hluê ngă hdră ksiêm dlăng phung ngă soh êlâo, hlăm lehanăn êdei kơ Têt Djuê ana Giáp Thìn 2024, mbĭt hŏng bruă mtrŭt mđĭ hdră ksiêm dlăng rơ̆ng kjăp klei êđăp ênang êlan klông, Êpul kahan ksiêm êlan klông čar Dak Lak nao ksiêm dlăng, msir mghaih phung ngă soh hŏng hdră bhiăn ti dŭm ktuê êlan, mkhư̆ dŭm mta mnơ̆ng kăm, mnơ̆ng soh hdră bhiăn. Čar Dak Lak ară anei mâo 5 ktuê êlan dơ̆ng prŏng mâo 26, 27, 29, 14, 14C lehanăn lu ktuê êlan mlir čar, mkŏ hŏng čar Dak Nông, Lâm Đồng, Gia Lai, Phú Yên lehanăn Khánh Hòa.

Hlăm thŭn 2023, kahan ksiêm êlan klông čar Dak Lak hmao ƀuh, ba jao kơ êpul djŏ tuôm msir mghaih 99 čô, 82 boh êdah djŏ tuôm kơ klei ngă soh hlăm ktuê êlan. Kahan ksiêm êlan klông ăt hrui mă giăm 1 ton phao m’ar, 1.540 hruh hăt soh hsră bhiăn, 10 ton hbâo pruê amâo klă phŭn agha anôk mkra mjing… Knŏng 2 hruê kăm êgao, dŭm êpul hiu suang dlăng hmao ƀuh 13 klei djŏ tuôm kơ matuĭ, dŭ mdiăng hăt soh hdră bhiăn…./.