VOV4.Êđê- Mŭt hlăm yan hjan êa lip thŭn anei, mbĭt hŏng bruă ksiêm dlăng nanao êlan pui kmlă, Anôk bruă pui kmlă Dak Lak mprăp leh kdrăp mnơ̆ng, maĭ mŏk mkăp čiăng mdrơ̆ng hŏng klei yan adiê ngă.

Êpul êya ăt mkŏ mjing êpul kăp mdrơ̆ng hŏng klei mâo mơ̆ng yan adiê ngă, tui duah, đru dŏng mnuih mâo klei truh, pral msir mghaih klei truh mâo hlăm êlan pui kmlă.

Boh nik ti dŭm kdriêk Êa Kar, Mdrak, Krông Bông, dŭm anôk kreh mâo klei truh hlăm êlan pui kmlă, êpul êya ba yua leh flycam, camera čiăng ksiêm dlăng êlan pui kmlă, kdrăp mnơ̆ng, kdrăp gang mkhư̆ klei grăm đah ênuk mrâo, bi mngač tač djiêu gah gơ̆ng dhiang pui kmlă. Mbĭt anăn pŏk dŭm hdră gang mkhư̆ mnơ̆ng rông nao mŭt hlăm anôk bruă pui kmlă, rơ̆ng klei êđăp ênang, mkăp pui kmlă nanao./.

                                                    Pô mblang: H’Nêč Êñuôl