VOV4.Êđê- Mơ̆ng akŏ thŭn truh ară anei, klei truh hlăm êlan klông ti Dak Lak hrŏ ti 3 hnơ̆ng, anăn jing ênoh klei truh kjham, ênoh mnuih djiê lehanăn ênoh êka. Klă klơ̆ng, êbeh 8 mlan êgao, ti Dak Lak mâo 151 klei truh kjham, ngă 112 čô djiê, 76 čô êka. Mkă hŏng thŭn êlâo, hrŏ 9 klei, 11 čô djiê lehanăn 35 čô êka. Anôk bruă djŏ tuôm dôk mđĭ hdră rơ̆ng klei êđăp ênang, boh nik hlăm Knăm bi hdơr hruê mkŏ mjing ala čar 2/9.

Bùi Văn Ngọc – Khua hlăm Anôk bruă răng mgang klei êđăp ênang êlan klông čar Dak Lak brei thâo, mâo leh hdră đru kčĕ kơ Anôk bruă sang čư̆ êa čar gĭr gai êpul djŏ tuôm: Êpul ksiêm dlăng êlan klông, kahan ksiêm êlan klông, kahan ksieme klei êđăp ênang… mđĭ hdră hiu suang dlăng, msir mghaih klei ngă soh hlăm êlan klông, mđĭ hdră mtô mblang kơ mnuih ƀuôn sang hluê ngă kjăp Hdră bhiăn Êlan klông./.